Kva skjer på Norsk Skieventyr i Morgedal?
Når ein vil gjera seg kjent med Morgedal og norsk skihistorie, er Norsk skieventyr eit godt utgangspunktet. Det spesielle bygget byr på ei multimedia-reise gjennom skihistoria – med særleg vekt på skirevolusjonen som starta i Morgedal i 1850-åra. Du kan utforske museet på eiga hand, som gruppe kan ein få med seg ein omvisar.
Utstillinga startar med ei framstilling på storskjerm av skihistoria gjennom 4000 år, byr deretter på glimt frå Morgedal i 1850-åra, held fram i ein skimakar-verkstad, fortel om kappløpet mot Sydpolen, om Noregs første skivoksfabrikk, gir deg soga om den olympiske elden – og til slutt: I stort format og på tre skjermar blir du med på telemarksløyping på eit nivå som vil friste deg til straks å spenne skiene på og berre kaste deg ut i skieventyret!
I museet finn du også Innsvingen Kafé med ein spennande meny med rettar av lokale råvarer, og som gjerne fyrar opp steinomnen for å kunne by på velsmakande spesialitetar. Det store suvenirutsalet har eit breitt utval av særnorske handverksprodukt, og her kan du også få informasjon om kva Morgedal elles har å by på. Her møter du hjelpsame omvisarar som gjerne ser at du får med deg det beste av Morgedal.
Gratis internett-teneste står til disposisjon for den som gjerne vil ha ein sjekk på korleis det står til heime.
Ynskjer du å vite meir om Sondre Norheim?
Sjekk www.sondrenorheim.com
Utskriftsversjon
