Skinnarlandsamlinga har meir enn 100 arbeid av Knut Skinnarland og ein kopi av atelieret hans i Rauland. Kvart år er det nye særutstillingar.
I sommar kan du oppleve kunstnaren Olav K Vaagen på Skinnarlandssamlinga. I perioden 25.juni til 9.august er det ei utstilling som viser arbeidet til kunstnaren som vart født og oppvaksen på Møsstrond.
I samband med Den kulturelle skulesekken arbeidar skulane og barnehagane i Vinje kommune kvart år med "Årets kunstnar". Knut Skinnarland var Årets kunstnar i 2009, 100 år etter at han blei fødd.
Knut Skinnarland var av dei fremste norske bilethoggarane i sin generasjon. Han vart fødd på Rauland. Gjekk på kunst- og handverksskule og kunstakademi i Oslo.
Frå 1948 var han knytt til restaureringsarbeidet av Nidarosdomen. Av arbeid elles kan ein nemne fiskarmonumentet i Ålesund og i Akureyri på Island, monumentet over A.O. Vinje og over Sondre Nordheim.
Frå 1948 var han knytt til restaureringsarbeidet av Nidarosdomen. Av arbeid elles kan ein nemne fiskarmonumentet i Ålesund og i Akureyri på Island, monumentet over A.O. Vinje og over Sondre Nordheim.
Motiv frå folkeliv og diktning går att i Aslak Svalastoga sine mange figurar og relieff. Han vart fødd i Rauland, og laga kunst som ofte hadde ein sosial tendens. Svalastoga var representert med trefigurar på Statens Haustutstilling. I tillegg til Skinnarlandsamlinga står arbeidet hans også utstilt på Raulandshuset og Raulandsakademiet.
Her kan kreative born lage sine eigne skulpturar etter å ha fått inspirasjon frå dei store kunstnarane.
