Myklestogo
Myklestogo er eit våningshus i landsbyen i Flatdal som inneheld ei samling antikvariske gjenstandar frå Telemark. Hovudvekta av gjenstandane er frå 17- og 1800-talet. Samlinga kan vise ei breidde og ein kvalitet særskild på rosemåling som er unik. Ei rekke av dei mest kjende målarane er representert.
Samlinga til Myklestogo vart bygd opp av Margit Lien. Ho var antikvitetshandlar og testamenterte alt av antikvarisk verdi til eit eige legat. Legatet kjøpte etter kvart huset, og samlinga er i dag i det gamle huset til Margit Lien.
Huset på garden Myklestogo vart bygd i 1480 og ombygd både på 1700- og 1900-talet. Det er i dag freda.
