Aldri har vel slagordet til Noregs Skiforbund passa betre, nesten 800 ungar prøvde seg i skileikområdet i Morgedal. Skular frå Skien, Sauherad, Nissedal, Seljord, Tokke og Kviteseid prøvde seg i løypene etter Sondre Norheim

Morgedal er kjent som den moderne skisportens vogge og Sondre Norheim blir kalla den moderne skisportens far. Denne vesle filmen syner deg kvifor.

Frå år 2000 til 2005 følgde Vest-Telemark Museum, Telemark Museum og Husflidskonsulenten i Telemark, fem husflidsprodusentar innan kvart sitt felt for å få innsikt i deira bakgrunn, produksjon, marknad og tankar rundt sitt virke. Me ville kartleggje den dåverande status i kunsthandverk/husflidsmiljøet, og såg på tendens i kva som blei gjort. Resultatet vart seinare presentert i ei vandreutstilling. No har me tilpassa utstillinga for nett.

I denne filmen får du eit innblikk i brynesteinsproduksjonen i Eidsborg, som sett på spissen er den lengste industrihistoria i landet. Produksjon har foregått i ein eller anna form heilt frå 700 e.Kr og fram til 1950. Brynestein er av kvartsitt og brukast til sliping av verktøy. På grunn av den gode kvaliteten var steinen frå Eidsborg svært ettertrakta og vart eksportartikkel allereie i vikingtid, då den vart spreidd utover Europa med vikingskipa. Brynestein er fylkessteinen for Telemark.

Sjå den her

St. Nikuls var skytshelgen for Eidsborg stavkyrkje. Der blei det utført eit unikt katolsk rituale, men med element frå heidensk tid, frå mellomalder til rundt 1750. Kvar sankthans vart ein statue av St. Nikuls bore ut og ført tre gonger rundt kyrkja og Eidsborgtjønni, der den vart rituelt vaska. Dette vart gjort for å få gode avlingar og reinse bort synder. Dersom helgenbiletet tok til å sveitte under prosesjonen, kunne denne sveitten ha lækjande kraft. Elementet med ofringar for å få gode avlingar stammar truleg frå den norrøne tro og guden Njord. Filmen viser ritualet gjenskapt som historisk spel, som har vore gjort sidan 2003.

Sjå den her