Pilegrimsvandring
Frå mellomalderen og fram til 1800-talet gjekk det føre seg ei årleg pilegrimsvandring frå Telemark til Røldal. Målet var krusifikset i Røldal stavkyrkje. Legenda fortalde at kvar jonsok sveitta krusifikset i kyrkja, og sveitten var undergjerande. Folk strøymde til frå inn og utland for å bli lækja. Røldal vart på denne tida det nest største pilegrimsmålet i landet.
Nederlandse tekst
Nederlandse tekst
Pilegrimsstemnet i Røldal er knytt til jonsok. I følgje forteljartradisjonen sveitta krusifikset i kyrkja denne natta, og sveitten gav lækjande verknad. 6.juli er ”gammaljonsok”, dvs. jonsok rekna etter den julianske kalender. Vår noverande kalender -den gregorianske- vart innført i Noreg i år 1700. Då vart 18.februar fylgd av 1.mars. I førekant av stemnet vil det også i år vera organiserte pilegrimsvandringar til Røldal. Den lengste, frå Seljord, Kviteseid, Dalen og Vågsli, byrjar den 24. juni. Stemnet startar den dagen vandringa er framme i Røldal, den 2. juli.
Sakte, men svært så sikkert, har det kome til nye bitar det i puslespelet som utgjer pilegrimsvegen frå Vest-Telemark til Røldal. Vi er svært stolte av dei framstega vi gjer. Særleg er bruprosjekta noko vi er glade for å ha fått til. Langs pilegrimsvegen har vi dei siste åra fått bygd opp att heile to bruer som hadde forsvunne.
Pilegrimsvandring 2010. Ei vandring over fleire dagar i skiftande terreng. Det er 4 alternative startpunkt for vandringa: Seljord, Kviteseid, Dalen og Vågsli. For dei to fyrste er startdatoen den 24. juni . Dei som startar frå Dalen møter opp den 26. juni. Frå Vågsli den 30.juni.
Nederlandse tekst
Nederlandse tekst
Kva skal ein moderne pilgrim ha med seg? Her er nokre tips.
Påmelding og informasjon
For deg som vil gå pilegrimsvegen frå Vest-Telemark til Røldal, vil den kulturhistoriske vegboka ”Fann eg dei stigar…” vere ein god og nyttig fylgjesvenn. Boka er på i alt 264 sider og innhaldet er meint å skulle gje vandrarane ein trygg og innhaldsrik tur.
