Skidag i Morgedal

Om

I mange år har Norsk Skieventyr og Morgedal IL hatt ein skidag for skulane i Telemark og Vestfold. Tradisjonen går tilbake til OL på Lillehammer i 1994. Fyrst var det skulane i nærområdet, men no får alle skulane i Telemark og Vestfold invitasjon.

I løpet av dei to fyrste vekene i mars besøker ca. 6–700 elevar og lærarar skileikområdet vårt, og har skiaktivitetar blanda med skihistorie. Skileikområdet ligg i nærleiken til Øverbø, staden der Sondre Norheim, far til den moderne skisporten, vart fødd. Ein tur opp til Øverbø for å høyre historia og teste løypene til Sondre er ein naturleg del av dagen.

I tillegg til skileiken og skihistoria har me eit tema som ungane kan teste ut. Dette endrar seg frå år til år, men andre aktivitetar på ein skidag i Morgedal kan vera:

• Teste telemarkski på staden der telemarkski kjem frå.
• Lage skivoks og teste skivoksen etterpå.
• Besøk på Norsk Skieventyr.

Sjå film frå skidagen i Morgedal.

Ta kontakt med oss på tlf 35069080 for meir info.